O‘zbekistonda turizm iqtisodiyotning jadal rivojlanayotgan va o‘sayotgan tarmoqlaridan biridir. Har yili mamlakatimizga dunyoning turli burchaklaridan milliondan ortiq sayyohlar tashrif buyuradi, shuningdek, ichki va outbound deb ataladigan tashqi turizm ham tez sur’atlarda rivojlanmoqda.
Davlat statistika qo‘mitasi ma’lumotlariga ko‘ra, 2022-yilda 10 oy ichida O‘zbekiston Respublikasining 558 600 fuqarosi dam olishga chet elga chiqqan. O‘zbekistonliklarning aksariyati Turkiyaga – 202,1 ming kishi, BAAga – 87,9 ming kishi, Saudiya Arabistoniga – 49 ming kishi va Misrga – 29,5 ming kishi tashrif buyurgan. O‘zbekistonliklar orasida ommalashgan yo‘nalishlar reytingini Germaniya – 3,5 ming bilan yakunlaydi. Paketli sayohatlar O‘zbekiston fuqarolari uchun eng qulay va ommabopligicha qolmoqda. Negaki, ko‘pgina fuqarolar hali xorijiy yoki ekzotik mamlakatlarga mustaqil sayohat qilishga tayyor emaslar.
Shuningdek, so‘nggi yillarda o‘zbekistonliklar orasida “Umra” yo‘nalishidagi sayohatlar eng katta talabga ega bo‘lmoqda. Pandemiya munosabati bilan xalqaro reyslar bekor qilinganidan keyin O‘zbekiston fuqarolari tomonidan birinchi reys 2022-yil sentyabr oyida amalga oshirildi. “Umra-2022” yangi mavsumida o‘zbek ziyoratchilari Madina va Makkada 11 kun sayohat qilishdi.
29-sentyabr kuni Toshkentda Prezident Shavkat Mirziyoyev Saudiya Arabistoni Podshohligining Haj va Umra ishlari vaziri Tavfiq bin Favzan ar-Robiya boshchiligidagi delegatsiyasini qabul qildi. Suhbat chog‘ida O‘zbekiston fuqarolari uchun Haj safariga kvotani ikki barobarga – yiliga 24 mingtagacha, Umra ziyoratchilari sonini esa 100 mingtagacha oshirish to‘g‘risida kelishuvga erishildi.
Mamlakatda ichki va tashqi turizm bilan shug‘ullanadigan 2000 dan ortiq sayyohlik kompaniyalari mavjud. O‘zbekistondagi mahalliy sayyohlik kompaniyalari faoliyatidagi bahsli masalalarni qo‘llab-quvvatlash va aniqlash uchun O‘zbekiston xususiy sayyohlik tashkilotlari uyushmasi (XSTU) tashkil etildi. XSTU 1998-yilda Respublika Hukumati ko‘magida mamlakatning xususiy turoperatorlari va mehmonxonalari tashabbusi bilan tashkil etilgan nodavlat, notijorat jamoat tashkilotidir. XSTU turoperatorlar, mehmonxona biznesi vakillari va mehmon uylarini birlashtirib turadi.