Joriy yil 15-noyabrdan 17-noyabrigacha “O‘zExpoMarkaz” Milliy ko‘rgazmalar majmuasida bo‘lib o‘tadigan Toshkent xalqaro turizm yarmarkasiga tashrif buyuruvchilarni ro‘yxatdan o‘tkazish boshlandi.
Ma’lumki, xalqaro ko‘rgazmalar ishlab chiqaruvchilar uchun o‘z brendini bozorda targ‘ib qilishning asosiy vositasi bo‘lib, bu o‘zlarining ko‘rgazma pavilyonlari orqali milliy imijini oshirishning ajoyib usuli hisoblanadi. Xo‘sh, nima uchun TXTY-2023 ga tashrif buyurishingiz kerak?
Birinchidan, xalqaro tashkilotlar va kompaniyalar bilan biznes aloqalarini o’rnatish imkoniyati;
Ikkinchidan – B2B uchrashuvlari, konferensiyalari, taqdimotlari, seminarlarida ishtirok etish, turizm sohasidagi dolzarb masalalarni muhokama qilish imkoniyati;
Uchinchidan – yarmarkaning boy dasturi – ko’rgazmalar, forumlar, mahorat darslari va boshqalar;
To‘rtinchidan – O‘zbekistonning milliy muhitini his qilish, mamlakatimiz hududlari, ularning boy madaniyati va ko‘p asrlik an’analari bilan yaqindan tanishish;
Beshinchidan – dunyoning turli xalqlarining madaniy merosi bilan tanishish.
O‘zbekistondagi yilning eng muhim turistik tadbirini o‘tkazib yubormang!