Spiker sifatida ishtirok etish | TITF-2024TITF-2024

“Ipak yo‘lida turizm” –Toshkent xalqaro turizm yarmarkasini (TXTY 2025) autsorsing asosida tashkil etish va o‘tkazish uchun qayta tanlov e’lon qilinadi

Posted on 03.08.2025 by titf_admin

Avval ma’lum qilinganidek, O‘zbekiston Respublikasi Turizm qo‘mitasi huzuridagi “Milliy PR-markazi” DUK “Ipak yo‘lida turizm” Toshkent xalqaro turizm yarmarkasini (TXTY-2025) tashkil etish va o‘tkazish bo‘yicha autsorsing huquqini olish, shuningdek, ko‘rgazmani tashkillashtirish va ishtirokchilarni jalb qilish bo‘yicha joriy yilning 22-may sanasiga qadar tanlov e’lon qilgan edi.

2025-yilning 26-may sanasida ushbu tanlovda ishtirok etish uchun qabul qilingan arizalar tanlov komissiyasi tomonidan ko‘rib chiqildi. O‘zbekiston Respublikasining “Davlat xaridlari to‘g‘risida”gi O‘RQ-684-son Qonuni 61-moddasiga asosan hamda “Milliy PR-markazi” DUKning joriy yil 26-maydagi 01-07/25-sonli bayoniga muvofiq tanlov qayta o‘tkazilishi belgilandi.

Shu munosabati bilan, O‘zbekiston Respublikasi Turizm qo‘mitasi “Ipak yo‘lida turizm” Toshkent xalqaro turizm yarmarkasini (TXTY-2025) tashkil etish va o‘tkazish bo‘yicha autsorsing huquqini olish, shuningdek, ko‘rgazmani tashkillashtirish va ishtirokchilarni jalb qilish bo‘yicha qaytadan ochiq tanlov e’lon qiladi.

Arizalarni qabul qilishning oxirgi muddati: 2025-yil 30-may, soat 16:00.

“Ipak yo‘lidagi turizm” Toshkent xalqaro turizm yarmarkasi 1995-yildan buyon BMT Jahon sayyohlik tashkiloti (UNWTO) rasmiy ko‘magida hamda O‘zbekiston Respublikasi Vazirlar Mahkamasining 2019-yil 5-noyabrdagi O‘zbekiston Respublikasi Hukumatining mamlakatning jozibador turistik qiyofasini yaratish, shuningdek, xorijiy turistlar oqimini jalb etish, milliy turizm mahsulotlarining xalqaro turizm bozorida, jumladan professionallar va oddiy sayyohlar orasida raqobatbardoshligini oshirish bo‘yicha ustuvor vazifalarini amalga oshirish maqsadida, o‘tkazib kelinmoqda.

Joriy yil TXTY-2025 Toshkent xalqaro turizm yarmarkasi 2025-yilning 20-22-noyabr kunlari Toshkent shahrida bo‘lib o‘tadi.

Tanlov shartlari quyidagilardan iborat:

1) “Ipak yo‘lida turizm” Toshkent xalqaro turizm yarmarkasini tashkil etish, o‘tkazish, ishtirokchilarni izlash va jalb qilish bo‘yicha xizmatlar, TXTY tashkilotchilari tomonidan amalga oshirilishi kerak.

2)TXTY ekspozitsiyasi ko‘rgazma-yarmarka faoliyati sohasidagi xalqaro standartlarga mos bo‘lishi kerak.

Tanlov shartlari va ishtirokchilarga qo‘yiladigan talablar haqida to‘liq ma’lumotni quyidagi havola orqali olishingiz mumkin: SPETSIFIKATSIYA VA XIZMATLAR RO‘YXATI.pdf

Tanlovda ishtirok etish uchun arizalar O‘zbekiston Respublikasi Turizm qo‘mitasi huzuridagi “Milliy PR-Markazi” DUKga O‘zbekiston Respublikasi, Toshkent sh., 100015, Oybek ko‘ch., 18 manziliga yuborilishi kerak.

Qo‘shimcha ma’lumot olish uchun +998 (78) 129 09 90 telefon orqali 9:00 dan 18:00 gacha Dushanbadan-Jumagacha qo‘ng‘iroq qiling: yoki info@nationalprcentre.com elektron pochta orqali so‘rov yuboring.

Posted in TXTY yangiliklari | Comments Off

“Ipak yo‘lida turizm” –Toshkent xalqaro turizm yarmarkasini (TXTY 2025) autsorsing asosida tashkil etish va o‘tkazish uchun qayta tanlov e’lon qilinadi

Posted on 15.05.2025 by titf_admin

2025-yilning 15-may sanasida ushbu tanlovda ishtirok etish uchun qabul qilingan arizalar tanlov komissiyasi tomonidan ko‘rib chiqildi. O‘zbekiston Respublikasining “Davlat xaridlari to‘g‘risida”gi O‘RQ-684-son Qonuni 61-moddasiga asosan hamda “Milliy PR-markazi” DUKning joriy yil 15-maydagi 01-07/21-sonli bayoniga muvofiq tanlov qayta o‘tkazilishi belgilandi.

Arizalarni qabul qilishning oxirgi muddati: 2025-yil 22-may, soat 16:00.

Joriy yil TXTY-2025 Toshkent xalqaro turizm yarmarkasi 2025-yilning 20-22-noyabr kunlari Toshkent shahrida bo‘lib o‘tadi.

Tanlov shartlari quyidagilardan iborat:

2)TXTY ekspozitsiyasi ko‘rgazma-yarmarka faoliyati sohasidagi xalqaro standartlarga mos bo‘lishi kerak.

Tanlov shartlari va ishtirokchilarga qo‘yiladigan talablar haqida to‘liq ma’lumotni quyidagi havola orqali olishingiz mumkin: SPETSIFIKATSIYA VA XIZMATLAR RO‘YXATI

Posted in TXTY yangiliklari | Comments Off

“Ipak yo‘lida turizm” – TXTY 2025 Toshkent xalqaro turizm yarmarkasini autsorsing asosida tashkil etish va o‘tkazish uchun tanlov e’lon qilinadi

Posted on 10.04.2025 by titf_admin

O‘zbekiston Respublikasi Turizm qo‘mitasi huzuridagi “Milliy PR-Markazi” DUK “Ipak yo‘lida turizm” (TXTY-2025) Toshkent xalqaro turizm yarmarkasini tashkil etish va o‘tkazish bo‘yicha autsorsing huquqini olish, shuningdek, ko‘rgazmani tashkillashtirish va ishtirokchilarni jalb qilish bo‘yicha ochiq tanlov e’lon qiladi.

O‘zbekiston Respublikasi Turizm qo‘mitasi “Ipak yo‘lida turizm” (TXTY-2025) Toshkent xalqaro turizm yarmarkasini tashkil etish va o‘tkazish bo‘yicha autsorsing huquqini olish, shuningdek, ko‘rgazmani tashkillashtirish va ishtirokchilarni jalb qilish bo‘yicha ochiq tanlov e’lon qiladi.

Arizalarni qabul qilishning oxirgi muddati: 2025-yil 28-aprel, soat 16:00 ga qadar.

Joriy yil TXTY-2025 Toshkent xalqaro turizm yarmarkasi 2025-yilning 20-22-noyabr kunlari Toshkent shahrida bo‘lib o‘tadi.

Tanlov shartlari quyidagilardan iborat:

2)TXTY ekspozitsiyasi ko‘rgazma-yarmarka faoliyati sohasidagi xalqaro standartlarga mos bo‘lishi kerak.

Tanlov shartlari va ishtirokchilarga qo‘yiladigan talablar haqida to‘liq ma’lumotni quyidagi havola orqali olishingiz mumkin: SPETSIFIKATSIYA VA XIZMATLAR RO‘YXATI.pdf
Tanlovda ishtirok etish uchun arizalar O‘zbekiston Respublikasi Turizm qo‘mitasi huzuridagi “Milliy PR-Markazi” DUKga O‘zbekiston Respublikasi, Toshkent sh., 100015, Oybek ko‘ch., 18 manziliga yuborilishi kerak.
Qo‘shimcha ma’lumot olish uchun +998 (78) 129 09 90 telefon orqali 9:00 dan 18:00 gacha Dushanbadan-Jumagacha qo‘ng‘iroq qiling: yoki info@nationalprcentre.com elektron pochta orqali so‘rov yuboring.

Posted in TXTY yangiliklari | Comments Off

Toshkent “Ipak yo‘lida turizm” 29-yarmarkasida xalqaro turizm markaziga aylandi

Posted on 24.11.2024 by titf_admin

2024-yilning 23-noyabr kuni Toshkentda O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi, Turizm qo‘mitasi, shuningdek, Milliy PR-markazi hamda «Team & Co Group» kompaniyasi tomonidan tashkil etilgan uch kunlik “Ipak yo‘lida turizm” (TXTY-2024) 29-Toshkent xalqaro turizm yarmarkasi yakunlandi. Tadbir ilk bor “CAEx” (Central Asian Expo Uzbekistan) xalqaro ko‘rgazmalar markazida o‘tkazildi va O‘zbekiston va Markaziy Osiyo turizm sanoati uchun muhim voqea bo‘ldi.

Yarmarka mahalliy va xorijiy kompaniyalar o‘rtasida yangi ishbilarmonlik aloqalarini yo‘lga qo‘yish uchun zamin yaratib, O‘zbekistonni jozibador sayyohlik yo‘nalishi sifatida tanitishda muhim ahamiyat kasb etdi. Noyob sayyohlik marshrutlari va hududiy diqqatga sazovor joylarning taqdimoti mamlakatimizning turli hududlarida qiziqish uyg‘otdi, hamkorlikni kengaytirish va sayyohlarni jalb etishda yangi istiqbollarni ochdi. Keng ko‘lamli tadbir 100 dan ortiq nufuzli ommaviy axborot vositalarining ham e’tiborini tortdi va bu O‘zbekistonning xalqaro maydonda e’tirofining sezilarli darajada oshishiga xizmat qildi.

Yarmarkada O‘zbekiston, Gruziya, Ozarbayjon, Rossiya, Janubiy Koreya, Qozog‘iston, Tailand, Chexiya, Indoneziya va boshqa 19 ta davlatdan sayyohlik ma’muriyatlari va xususiy kompaniyalar ishtirok etdi. Unda 54 ta milliy stend namoyish etilib, “Hosted Buyers” dasturi doirasida 30 dan ortiq mahalliy va 7 ta xorijiy turistik kompaniyalar taklif etildi. Uch kun davomida yarmarkaga 20 mingdan ortiq kishi tashrif buyurib, mamlakatning 14 ta viloyatning turizm imkoniyatlari bilan tanishdi. Tadbir davomida 20 000 dan ortiq “B2B” formatidagi uchrashuvlar bo‘lib o‘tdi, ularda 8 000 dan ortiq shartnomalar imzolandi.

Ko‘rgazmaning yopilish marosimida kelasi yili yubiley 30-Toshkent xalqaro turizm yarmarkasi o‘tkazilishi e’lon qilinib, qator nominatsiyalar bo‘yicha mukofotlar topshirildi. Xususan, Qoraqalpog‘iston, Xorazm va Toshkent viloyatlari stendlariga sovrin sifatida elektromobillar taqdim etildi.

Posted in TXTY yangiliklari | Comments Off

“Ipak yo‘lida turizm” 29-Toshkent xalqaro turizm yarmarkasining tantanali ochilishi bo‘lib o‘tdi

Posted on 21.11.2024 by titf_admin

21-noyabr kuni “CAEx” xalqaro koʻrgazmalar markazida “Ipak yoʻlida turizm” 29-Toshkent xalqaro turizm yarmarkasi TXTY-2024 ning tantanali ochilishi boʻlib oʻtdi. Yarmarka tashkilotchilari – O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi, Turizm qo‘mitasi, “Milliy PR-markazi” DUK, “Team & Co Group” kompaniyasi. TXTY-2024 ning bosh hamkori “Uzbekistan Airways” AJ bo‘ldi. Toshkent xalqaro turizm yarmarkasi bu yil ilk bor “CAEx” (Central Asian Expo Uzbekistan) xalqaro koʻrgazmalar markazida oʻtkazilmoqda.

Ma’lumot uchun:

Toshkent xalqaro turizm yarmarkasi turizm mahsulotlarini targ‘ib qilish, hamkorlik uchun ishbilarmonlik aloqalari va munosabatlarini o‘rnatishga xizmat qiluvchi eng yirik axborot tadbiridir. So‘nggi o‘ttiz yil davomida TXTY turizm sohasidagi eng qiziqarli tadbirlardan biri sifatida o‘zini namoyon qildi va har yili Butunjahon turizm tashkiloti (UNWTO) rasmiy ko‘magida o‘tkaziladigan Markaziy Osiyodagi eng yirik tadbir hisoblanadi.

TXTY-2024 ochilish marosimida O‘zbekiston Respublikasi Turizm qo‘mitasi raisi Umid Shadiev, “Uzbekistan Airways” Milliy aviakompaniyasi boshqaruvi raisining birinchi o‘rinbosari Umid Xusanov, Goa turizm vaziri Shri Rohan Kxaunte, Primorsk oʻlkasi gubernatori Oleg Kojemyako, BMT Turizm boshqarmasi Institutsional aloqalar, hamkorlik va targʻibot departamenti direktori Dilyor Hakimov, shuningdek, yarmarka ishtirokchilari, mahalliy va xalqaro tashkilotlar hamda ommaviy axborot vositalari vakillari ishtirok etdi.

Shuningdek, yarmarkaning birinchi kunida yetakchi xalqaro va milliy ekspertlar ishtirokida “Ayrim hududlarning turizm salohiyati: turli yo‘nalishlar va rivojlanish imkoniyatlari bo‘yicha tadqiqotlar”, “Xitoy provinsiyalarining turizm salohiyati: an’analar bo‘ylab sayohat, tabiat va innovatsiyalar” mavzularida ikkita sessiya va xususiy loyihalar taqdimoti o‘tkazildi.

Ushbu yarmarka doirasida 19 ta xorijiy davlat ishtirok etayotgan sayyohlik koʻrgazmasi, turizm sohasidagi yetakchi xalqaro va mahalliy ekspertlar ishtirokidagi forum, shuningdek, turli mamlakatlar xususiy kompaniyalari vakillari oʻrtasida B2B uchrashuvlari, davra suhbatlari, sayyohlik xizmatlari va “Craft Fair Uzbekistan” hunarmandchilik ko‘rgazmasi bo‘lib o‘tmoqda.

Shuni ham ta’kidlash joizki, TXTY-2024 butun dunyodan turizm biznesi mutaxassislarini birlashtiradi va bu sohaning barcha vakillari: yetakchi turizm va transport kompaniyalari, yirik mehmonxona tarmoqlari, diplomatik korpuslar, turizm sohasidagi ta’lim muassasalari xodimlari, shuningdek, MICE turizmi vakillari uchun samarali bo‘ladi.

TXTY-2024 ko‘rgazmasining o‘ziga xos jihati Rossiya Federatsiyasining Oltoy Respublikasi va Vladimir viloyati kabi mintaqalaridan yangi eksponentlar, shuningdek, Gruziya, Chexiya va Germaniya Federativ Respublikasining yangi kompaniyalari ishtirok etishida bo‘ldi. Ushbu kompaniyalar yangi yo‘nalishlardagi eksponentlar, jumladan kruiz sayohatlari bilan birgalikda ko‘rgazmada xalqaro ishtirok ko‘lamini sezilarli darajada kengaytiradi va ishbilarmonlik aloqalari hamda hamkorlik uchun noyob imkoniyatlar yaratadi.

Yarmarkaga tashrif buyuruvchilar va ishtirokchilar yangi sayyohlik yo‘nalishlari bilan tanishish va xorijiy mamlakatlarning rang-barang muhiti, madaniyati va an’analari bilan tanishish uchun noyob imkoniyatdan foydalanishlari mumkin. Shuningdek, O‘zbekistonning barcha hududlaridagi yangi manzillarning turizm salohiyatini baholash mumkin bo‘ladi.

TXTY-2024 O‘zbekiston va butun Markaziy Osiyoda turizm sohasidagi eng yorqin xalqaro tadbir bo‘lib, mintaqadagi turizm sanoatini qo‘llab-quvvatlash bo‘yicha umumiy sa’y-harakatlarni birlashtirgan holda turizm sohasidagi xalqaro hamkorlik geografiyasini kengaytiradi.

Posted in TXTY yangiliklari | Comments Off

TXTY-2024 da sayohatlar sovg‘asi!

Posted on 18.11.2024 by titf_admin

TXTY-2024 doirasida tashkilotchilar va ishtirokchilar tomonidan dunyoning turli mamlakatlariga 15 dan ortiq sayohat turlari o‘ynaladi.
Misr, BAA, Gruziya, Qatar, Shri-Lanka, Antaliya va Maldiv orollariga BEPUL sayohat qilish imkoniyati faqat TXTY-2024 da.

Shartlar: yarmarkaga kelish, vaucherlarni to‘ldirish va o‘yinda ishtirok etish!

21-22-23-noyabr kunlari CAEx koʻrgazmalar markazida dunyoning 25 dan ortiq mamlakatlarining turizm salohiyati haqida maʼlumot olgandan soʻng bepul turni yutib olish va sayohatlarni rejalashtirish imkoniyati mavjud.

Shuningdek, sizni mahorat darslari, o‘yinlar, vaucherlar, chegirmalar va juda ko‘p qiziqarli narsalar kutmoqda.

Shu bilan birga, aynan shu yarmarkada siz yana bir ajoyib o‘yin haqida bilib olasiz. Lekin buning uchun yarmarkaga tashrif buyurishingiz lozim.

Posted in TXTY yangiliklari | Comments Off

Toshkentda TXTY-2024 ga tashrif buyuruvchilar uchun bepul shattlbaslar (yo‘nalish avtobuslari)

Posted on 29.10.2024 by titf_admin

29-Toshkent xalqaro turizm yarmarkasi (TXTY) doirasida 2024-yilning 21-23-noyabr kunlari Toshkent bo‘ylab mehmonlarning tadbir o‘tkaziladigan joy – CAEx ko‘rgazma markaziga harakatlanishini osonlashtirish uchun bepul avtobuslar tashkil etiladi. Shattlbaslar shaharning asosiy yo‘nalishlari bo‘ylab harakatlanadi va har bir kishi yarmarkaga va orqaga qaytishi uchun qulay jadval asosida ishlaydi.

Shattlbas yo‘nalishlari:

“Tashkent City Mall” – CAEx

Jo‘nab ketish joyi: Tashkent City Mall

Avtobuslar soni: 1

Ketish vaqti:

“Tashkent City Mall”dan: 10:00, 12:00, 14:00

CAEx dan qaytish: 11:00, 13:00, 15:00

“Olmazor metrosi” – CAEx

Jo‘nab ketish joyi: Olmazor metro bekati

Avtobuslar soni: 1

Ketish vaqti:

Olmazor metro bekatidan: 10:00, 12:00, 14:00

CAEx dan qaytish: 11:00, 13:00, 15:00

“O‘rikzor” bozori – CAEx

Jo‘nab ketish joyi: O‘rikzor bozori

Avtobuslar soni: 1

Ketish vaqti:

O‘rikzor bozoridan: 10:00, 14:00

CAEx dan qaytish: 12:00, 16:00

Samarqand Darvoza – CAEx

Jo‘nab ketish joyi: Samarqand Darvoza

Avtobuslar soni: 1

Ketish vaqti:

Samarqand Darvozdan: 10:00, 14:00

CAEx dan qaytish: 12:00, 16:00

“O‘zbekiston” mehmonxonasi – CAEx

Jo‘nab ketish joyi: “O‘zbekiston” mehmonxonasi

Avtobuslar soni: 2

Ketish vaqti:

“O‘zbekiston” mehmonxonasidan: 10:00, 11:00, 12:00, 13:00, 14:00, 15:00

CAEx dan qaytish: 11:00, 12:00, 13:00, 14:00, 15:00, 16:00

Shattlbasdan qanday foydalanish kerak

Bepul shattlbaslar tashrif buyuruvchilarga CAEx ko‘rgazma markaziga stresssiz va qulay sayohat qilish imkonini beradi, u yerda ularni boy tadbirlar dasturi, jumladan, konferensiyalar, taqdimotlar, davra suhbatlari va boshqa ko‘p narsalar kutadi.

Muhim maslahatlar:

Ertaroq yetib keling: Shattlbaslar ko‘p sonli yo‘lovchilarga mo‘ljallangan, shuning uchun bekatlarga biroz erta yetib kelish tavsiya etiladi;

Vaqtni kuzatib boring: Shattlbaslar keyingi yo‘nalishga o‘z vaqtida qaytib kelishi uchun har bir marshrut qat’iy jadval asosida ishlaydi;

Yangilanishlardan xabardor bo‘lib turing: Ehtimoliy jadval o‘zgarishlaridan xabardor bo‘lish uchun TXTYni ijtimoiy tarmoqlarda kuzatib boring.

Ushbu qulay shattlbaslar TXTY tashkilotchilari bu yil tayyorlagan barcha narsadan zavqlanib, tirbandliklarning oldini olish va sayohat vaqtini tejash uchun ajoyib imkoniyatdir!

Posted in Qo'llanma | Comments Off

Qanday qilib ko‘rgazma doirasida O‘zbekistonning boshqa hududlariga sayyoh sifatida tashrif buyurish mumkin?

Posted on 23.08.2024 by titf_admin

Toshkent xalqaro turizm yarmarkasiga (TXTY) tashrif buyurish nafaqat O‘zbekistonning turizm sanoati bilan yaqindan tanishish, balki mamlakatning boshqa hududlari go‘zalligini kashf etish uchun ham ajoyib imkoniyatdir. Quyida O‘zbekistonga sayohatingizni ko‘rgazmada ishtirok etish bilan uyg‘unlashtirish bo‘yicha ba’zi tavsiyalar keltirilgan.

Mashhur yo‘nalishlar

Samarqand

Dunyoning eng qadimiy shaharlaridan biri bo‘lgan Samarqand Registon, Go‘ri Amir maqbarasi, Bibixonim masjidi kabi tarixiy obidalari bilan mashhur. Toshkentdan Samarqandga “Afrosiyob” tezyurar poyezdida yetib olishingiz mumkin, bunga esa taxminan 2 soat vaqt ketadi.

Buxoro

Buxoro qadimgi Sharqning yana bir durdonasi bo‘lib, YUNESKOning Butunjahon merosi ro‘yxatiga kiritilgan. Bu yerda siz Ark qal’asi, Labi Hovuz majmuasi va Kalon masjidi kabi diqqatga sazovor joylarni ko‘rishingiz mumkin. Toshkentdan poyezdda borishga taxminan 4-5 soat vaqt ketadi.

Xiva

Xiva chinakam ochiq osmon ostidagi muzey bo‘lib, uning har bir go‘shasi tarixga to‘la. Qadimiy Ichanqal’a qal’asi Xivaning asosiy diqqatga sazovor joyidir. Xivaga Toshkentdan toʻgʻridan-toʻgʻri reyslar mavjud boʻlgan Urganch orqali borishingiz mumkin.

Farg‘ona vodiysi

Tabiat va hunarmandchilikni sevuvchilar uchun Farg‘ona vodiysi o‘ziga xos yo‘nalishlarni taklif etadi. Bu yerda siz mashhur Qo‘qon kulolchilik ustaxonalarini topasiz va vodiyning go‘zal manzaralaridan bahramand bo‘lasiz. Farg‘onaga Toshkentdan poyezd yoki avtobusda borishingiz mumkin.

Sayohatni qanday tashkil qilish kerak

Ekskursiya turlari

TXTY ko‘rgazmasi davomida siz ko‘plab sayyohlik agentliklari tomonidan taklif qilinadigan tashkillashtirilgan turlarga yozilishingiz mumkin. Ushbu turlar asosiy diqqatga sazovor joylarga tashrif buyurishni o‘z ichiga oladi va sizning qiziqishlaringiz uchun moslashtirilishi mumkin.

Mustaqil sayohatlar

Agar siz hududlarni mustaqil ravishda kashf qilishni afzal ko‘rsangiz, jamoat transportidan foydalaning yoki avtomobilni ijaraga oling. Oʻzbekiston yoʻllari yaxshi rivojlangan va asosiy turistik shaharlar oʻrtasida muntazam transport aloqalari mavjud.

Ichki aviareyslar

Vaqtni tejash maqsadida Toshkentni Urganch, Buxoro va Namangan kabi shaharlar bilan bog‘laydigan ichki reyslardan foydalanish mumkin.

Sayohat bo‘yicha maslahatlar

Oldindan rejalashtirish: Chipta va turar joyni oldindan bron qiling, ayniqsa mashhur sayyohlik hududlarida.

Mahalliy an’analarni o‘rganing: O‘zbekiston madaniy an’analarga boy, ulardan xabardor bo‘lish sayohatingizni yanada qiziqarli qiladi.

Posted in Qo'llanma | Comments Off

Ishtirok etishdan qanday manfaat olish mumkin va ko‘rgazmada qanday qo‘shimcha imkoniyatlar mavjud

Posted on 23.08.2024 by titf_admin

Toshkent xalqaro turizm yarmarkasida (TXTY) ishtirok etish o‘z biznesingizni ilgari surish, yangi ishbilarmonlik aloqalarini o‘rnatish va hamkorlaringiz tarmog‘ini kengaytirish uchun noyob imkoniyatlar yaratadi. Ushbu tadbirdan maksimal darajada foydalanish uchun quyidagi tavsiyalar va ko‘rgazma taqdim etayotgan qo‘shimcha imkoniyatlarga e’tibor bering.

Muvaffaqiyatli ishtirok etish uchun maslahatlar

Oldindan tayyorgarlik ko‘ring

Vizitkalar, broshyuralar va bannerlar kabi barcha kerakli marketing materiallariga ega ekanligingizga ishonch hosil qiling. Potensial mijozlar e’tiborini tortadigan taqdimotlar yoki mahsulot namoyishlarini o‘ylab ko‘ring.

Aniq maqsadlar qo‘ying

Yarmarkada ishtirok etishdan qanday natijalarga erishmoqchi ekanligingizni aniqlang. Bu yangi shartnomalar, hamkorliklar yoki brendingiz haqida xabardorlikni oshirish bo‘lishi mumkin.

Faol muloqot

Ko‘rgazmada faol bo‘ling – biznes uchrashuvlari, seminarlar va konferensiyalarda qatnashing. Potensial hamkorlar va mijozlar bilan aloqa o‘rnatish uchun barcha imkoniyatlardan foydalaning.

Trendlarni kuzatib boring

Eng so‘nggi tendensiyalar va texnologiyalardan xabardor bo‘lish uchun raqobatchilar va soha bo‘yicha hamkasblaringizning stendlariga tashrif buyuring. Bu sizning strategiyangizni moslashtirishga va raqobatbardosh yechimlarni taklif qilishga yordam beradi.

Ko‘rgazmada qo‘shimcha imkoniyatlar

Seminarlar va mahorat darslari

Sohaning yetakchi mutaxassislari tomonidan o‘tiladigan o‘quv mashg‘ulotlari va mahorat darslarida qatnashing. Bu yangi narsalarni o‘rganish va biznesingizni yaxshilash uchun bilimlarni qo‘llash uchun ajoyib imkoniyatdir.

Sessiyalar

Maxsus tashkil etilgan tarmoq tadbirlari sizga bozorning asosiy ishtirokchilari bilan uchrashish va hamkasblar bilan fikr almashish imkonini beradi.

Intervyu

Brend taniqliligini oshirish va kengroq auditoriyani qamrab olish uchun yetakchi ommaviy axborot vositalariga intervyu bering.

Taqdimot hududlari

Mahsulot va xizmatlaringizni amalda namoyish qilish uchun ajratilgan joylardan foydalaning. Bu sizga raqobatchilardan ajralib turishga va ko‘proq potensial mijozlarni jalb qilishga yordam beradi.

Onlayn platforma

Ko‘rgazma tugagandan so‘ng ko‘rgazma ishtirokchilari va tashrif buyuruvchilar bilan muloqotni davom ettirish uchun onlayn platformamizda ro‘yxatdan o‘ting. Bu aloqani davom ettirish va hamkorlikni rivojlantirish uchun ajoyib imkoniyatdir.

Posted in Qo'llanma | Comments Off

Qanday qilib ko‘rgazma ishtirokchisi bo‘lish mumkin?

Posted on 23.08.2024 by titf_admin

Toshkent xalqaro turizm yarmarkasi (TXTY) ishtirokchisi bo‘lish juda oson! Biz turizm sanoati vakillarini, jumladan, turoperatorlar, agentliklar, mehmonxonalar, transport kompaniyalari va boshqa ko‘plab kompaniyalarni tadbirimizga taklif qilamiz.

Ishtirok etish uchun bosqichlar:

Ro‘yxatdan o‘tish

Bizning rasmiy veb-saytimizda oddiygina ro‘yxatdan o‘ting. Buning uchun siz kompaniya va vakillari haqida ma’lumot beruvchi onlayn arizani to‘ldirishingiz kerak.

Arizani tasdiqlash

Arizangizni topshirgandan so‘ng, bizning jamoamiz tafsilotlarni aniqlashtirish va ishtirokingizni tasdiqlash uchun siz bilan bog‘lanadi.

Stend tanlash

Kompaniyangizni taqdimot qilish uchun munosib stendni tanlang. Biz sizning ehtiyojlaringizga qarab turli xil variantlarni taklif qilamiz.

Ko‘rgazmaga tayyorgarlik

Barcha rasmiyatchiliklarni bajarib bo‘lgach, yarmarkada ishtirok etishga tayyorgarlik ko‘rishni boshlang. Biz sizga kerakli ko‘rsatmalar va ko‘mak beramiz.

Ishtirok etishning afzalliklari:

Xalqaro auditoriya: O‘z kompaniyangizni jahon miqyosida taqdim etish imkoniyati.

Biznes-tarmoq: yangi biznes aloqalarini o‘rnating va mavjudlarini mustahkamlang.

Media qo‘llab-quvvatlash: yetakchi ommaviy axborot vositalari va sayohat platformalarida yoritilish imkoniyatiga ega bo‘ling.

Posted in Qo'llanma | Comments Off

Shahar bo‘ylab harakatlanishda qanday mo‘ljal olish mumkin?

Posted on 23.08.2024 by titf_admin

Toshkent – madaniy anʼanalarga boy va zamonaviy infratuzilma rivojlangan shahardir. Quyida Toshkent xalqaro turizm yarmarkasi (TXTY)da qatnashish chog‘ida shahar bo‘ylab qulay va samarali harakatlanish haqida foydali ma’lumotlarga ega bo‘lasiz.

Mehmonxonalar

Toshkentda hashamatli otellardan tortib shinam mehmon uylarigacha bo‘lgan keng turdagi mehmonxonalar mavjud. Turar joyni, ayniqsa, Yarmarka vaqtida, oldindan bron qilishni tavsiya etamiz. Mana bir nechta mashhur variantlar:

Hashamatli mehmonxonalar: “InterContinental Tashkent”, “Hyatt Regency Tashkent”

Biznes mehmonxonalar: “Wyndham Tashkent”, “International Hotel Tashkent”

Hamyonbop variantlar: “Art Hostel”, “Orient Inn”

Qidiruv va bron qilishni osonlashtirish uchun Booking.com yoki Airbnb kabi platformalardan foydalaning.

Oziq-ovqat

Toshkent oʻzining milliy va xalqaro taomlari bilan mashhur. An’anaviy o‘zbek restoranlarida palov, somsa va sho‘rva kabi mahalliy taomlarni tatib ko‘rish imkoniyatini qo‘ldan boy bermang. Shuningdek, shaharda xalqaro menyuga ega ko‘plab kafe va restoranlar mavjud.

An’anaviy taomlar: “Osh markazi”, “Besh Qozon”

Xalqaro taomlar: “Karvon”, “Afsona”

Kafelar va tamaddixonalar: “Breadli”, “Bon!”

Transport

Toshkentda metro, avtobuslar, taksilar va avtomobillarni ijaraga olish kabi transport tarmogʻi rivojlangan.

Metro: shahar bo‘ylab sayohat qilishning arzon va qulay usuli. Toshkent metropoliteni ham o‘zining go‘zal dizayndagi bekatlari tufayli diqqatga sazovor joylardan biri hisoblanadi.

Taksi: “Yandex taksi” xizmatlari. Taksi tez va qulay sayohatlarni taklif etadi.

Avtomobil ijarasi: Agar siz o‘zingiz avtomobil boshqarishni afzal ko‘rsangiz, ko‘plab agentliklardan birida avtomobil ijaraga olishingiz mumkin.

Shaharda osongina harakat qilish uchun Google Maps kabi xaritalar va navigatsiya ilovalarini yuklab olishni unutmang.

Posted in Qo'llanma | Comments Off

Ko‘rgazma ishtirokchilari uchun xizmatlar

Posted on 09.08.2024 by titf_admin

Muvaffaqiyatli ko’rgazma uchun

Ko’rgazma maydonlarini taqdim etish bilan bir qatorda, biz sizning tadbiringizda maksimal natijalarga erishishga yordam beradigan keng ko’lamli xizmatlarni taklif etamiz. Biz mijozlarimiz uchun eng katta qiymatga ega bo’lgan xizmatlarimiz assortimentini doimiy ravishda kengaytirmoqdamiz.

Mehmonxonalarda turar joy

InterContinental Tashkent

Hilton Tashkent City

Radisson Blu Hotel Tashkent

Wyndham Tashkent

Crowne Plaza Tashkent

Grand Mir Hotel

Oscar hotel

International Hotel Tashkent

Maxsus bron qilish promo-kodini olish uchun savdo menejeriga murojaat qiling.

Transport va transfer xizmatlari
“Vodiy Star Trans” LLC
Tel: +998 99-807-18-42
E-mail: vst.uzb@gmail.com

LLC Turksib Magistral / Cargo Brokerage Service

Tel: +998 90- 920-40-08

E-mail: artur@cargo.uz

www.cargo.uz

Turoperator, vizani qo’llab-quvvatlash xizmatlari
“Travel Together” LLC
Tel: +998 99-866-70-16
E-mail: traveltogether.uz@gmail.com
www.traveltogether.uz

Posted in Qo'llanma | Comments Off

Moskvadagi “MITT 2024” doirasida TXTY-2024 koʻrgazma maydonlarini sotish boʻyicha muzokaralar boʻlib oʻtdi

Posted on 09.04.2024 by titf_admin

Joriy yilning 19-21 mart kunlari Moskva shahrida “MITT” xalqaro sayyohlik ko‘rgazmasi bo‘lib o‘tdi. Ushbu yirik xalqaro ko‘rgazmada O‘zbekiston delegatsiyasi ham ishtirok etdi.

Ko‘rgazma ishtirokchilari va tashrif buyuruvchilari jahon sayyohlik assotsiatsiyalari va soha ma’muriyatlari vakillari bilan uchrashish, yangi mijozlar va hamkorlar topish, turli biznes-dastur tadbirlarida turizm sohasidagi so‘nggi yangiliklar bilan tanishish imkoniga ega bo‘ldi.

Shuningdek, Oʻzbekiston delegatsiyasi xorijiy hamkorlar bilan joriy yilning noyabr oyida Toshkent shahrida boʻlib oʻtadigan Markaziy Osiyodagi eng yirik sayyohlik tadbiri – TXTY-2024 Toshkent xalqaro turizm yarmarkasi doirasidagi hamkorlik istiqbollarini muhokama qilish maqsadida qator uchrashuvlar oʻtkazdi.

Posted in TXTY yangiliklari | Comments Off

Berlindagi “ITB 2024” doirasida TXTY-2024 ko‘rgazma maydonlarini sotish bo‘yicha muzokaralar bo‘lib o‘tdi

Posted on 09.04.2024 by titf_admin

2024-yilning 5-7-mart kunlari Turizm qo‘mitasi raisi Umid Shodiyev boshchiligidagi O‘zbekiston delegatsiyasi, mehmonxonalar, sayyohlik agentliklari, turoperatorlar, onlayn platformalar, aviakompaniyalar va boshqa turizm sohasi mutaxassislarini bir joyda jamlagan dunyodagi eng yirik sayyohlik ko‘rgazmasi – “ITB Berlin” (Internationale Tourismus-Börse Berlin) ishida ishtirok etdi.

Berlindagi Messe Berlin ko‘rgazma majmuasida bo‘lib o‘tgan tadbirda 180 dan ortiq davlatdan 11 mingdan ortiq turizm va turdosh soha vakillari o‘z stendlari bilan ishtirok etdi.

Bundan tashqari, Oʻzbekiston delegatsiyasi xorijiy hamkorlar bilan joriy yilning noyabr oyida Toshkent shahrida boʻlib oʻtadigan Markaziy Osiyodagi eng yirik sayyohlik tadbiri – TXTY-2024 Toshkent xalqaro turizm yarmarkasi doirasidagi hamkorlik istiqbollarini muhokama qilish maqsadida qator uchrashuvlar oʻtkazdi.

Posted in TXTY yangiliklari | Comments Off

Hindistonda “SATTE 2024” doirasida TXTY-2024 ko‘rgazma maydonlarini sotish bo‘yicha muzokaralar olib borildi

Posted on 09.04.2024 by titf_admin

2024-yil 22-fevral kuni Hindistonda “SATTE Travel Expo 2024” 31-xalqaro sayyohlik ko‘rgazmasi bo‘lib o‘tdi. O‘zbekiston delegatsiyasi eng yirik India Expo Mart ko‘rgazma majmuasida mamlakat milliy stendini taqdim etdi.

Ko‘rgazmada yetakchi xalqaro sayyohlik kompaniyalari ommabop yo‘nalishlar bo‘yicha o‘zlarining eng yaxshi takliflarini taqdim etdi, o‘z tajribalari bilan o‘rtoqlashdi, turli sektor va segmentlarda turizmni rivojlantirish strategiyalarini muhokama qildi.

Shuningdek, delegatsiyamiz aʼzolari 22-fevraldan 24-fevralga qadar uch kun davomida yangi sayyohlik mahsulotlarini taqdim etishdi, shuningdek, Markaziy Osiyodagi eng yirik turizm tadbiri – Toshkent xalqaro turizm yarmarkasida ishtirok etish boʻyicha davlatlar va yirik tashkilotlar hamkorlarini jalb qilish boʻyicha muzokaralar tashkil etishdi. Joriy yilning noyabr oyida Toshkent shahrida boʻlib oʻtadigan TXTY-2024.

Posted in TXTY yangiliklari | Comments Off

Istanbuldagi “EMITT 2024” koʻrgazmasi doirasida TXTY-2024 koʻrgazma maydonlarini sotish boʻyicha muzokaralar boʻlib oʻtdi

Posted on 09.04.2024 by titf_admin

2024-yilning 6-9-fevral kunlari Turkiyaning Istanbul shahrida “EMITT 2024” 27-xalqaro sayyohlik yarmarkasi boʻlib oʻtdi. Eng yirik TUYAP Fair & Congress Center kongress-koʻrgazma markazida Oʻzbekiston delegatsiyasi mamlakatimiz milliy stendini namoyish etmoqda.

Ko‘rgazma davomida delegatsiyamiz vakillarining Turkiya va boshqa mamlakatlardagi yirik sayyohlik kompaniya va tashkilotlari bilan B2B formatida o‘tkazgan ishbilarmonlik uchrashuvlari O‘zbekiston ishbilarmon doiralari va xorijiy hamkorlar o‘rtasida bevosita aloqalarni o‘rnatish imkonini berdi.

Xalqaro koʻrgazma kunlarida delegatsiyamiz aʼzolari yangi sayyohlik mahsulotlarini ham namoyish etishdi, shuningdek, joriy yilning noyabr oyida boʻlib oʻtadigan TXTY-2024 Toshkent xalqaro turizm yarmarkasida ishtirok etish boʻyicha mamlakatlar va yirik tashkilotlarning hamkorlarini jalb etish boʻyicha muzokaralar tashkil etishdi.

Posted in TXTY yangiliklari | Comments Off

“Ipak yo‘lida turizm” –Toshkent xalqaro turizm yarmarkasini (TXTY 2025) autsorsing asosida tashkil etish va o‘tkazish uchun qayta tanlov e’lon qilinadi

“Ipak yo‘lida turizm” –Toshkent xalqaro turizm yarmarkasini (TXTY 2025) autsorsing asosida tashkil etish va o‘tkazish uchun qayta tanlov e’lon qilinadi

“Ipak yo‘lida turizm” – TXTY 2025 Toshkent xalqaro turizm yarmarkasini autsorsing asosida tashkil etish va o‘tkazish uchun tanlov e’lon qilinadi

Toshkent “Ipak yo‘lida turizm” 29-yarmarkasida xalqaro turizm markaziga aylandi

“Ipak yo‘lida turizm” 29-Toshkent xalqaro turizm yarmarkasining tantanali ochilishi bo‘lib o‘tdi

TXTY-2024 da sayohatlar sovg‘asi!

Toshkentda TXTY-2024 ga tashrif buyuruvchilar uchun bepul shattlbaslar (yo‘nalish avtobuslari)

Qanday qilib ko‘rgazma doirasida O‘zbekistonning boshqa hududlariga sayyoh sifatida tashrif buyurish mumkin?

Mashhur yo‘nalishlar

Sayohatni qanday tashkil qilish kerak

Ishtirok etishdan qanday manfaat olish mumkin va ko‘rgazmada qanday qo‘shimcha imkoniyatlar mavjud

Qanday qilib ko‘rgazma ishtirokchisi bo‘lish mumkin?

Shahar bo‘ylab harakatlanishda qanday mo‘ljal olish mumkin?

Ko‘rgazma ishtirokchilari uchun xizmatlar

Moskvadagi “MITT 2024” doirasida TXTY-2024 koʻrgazma maydonlarini sotish boʻyicha muzokaralar boʻlib oʻtdi

Berlindagi “ITB 2024” doirasida TXTY-2024 ko‘rgazma maydonlarini sotish bo‘yicha muzokaralar bo‘lib o‘tdi

Hindistonda “SATTE 2024” doirasida TXTY-2024 ko‘rgazma maydonlarini sotish bo‘yicha muzokaralar olib borildi

Istanbuldagi “EMITT 2024” koʻrgazmasi doirasida TXTY-2024 koʻrgazma maydonlarini sotish boʻyicha muzokaralar boʻlib oʻtdi

Ochilish kuni

Stendlar

Gastro bazar

Sessiyalar